Apr 22 2021 15:09
Elshad Aliyev
Views: 101

ABŞ Müdafiə Nazirliyi (Pentaqon) Türkiyəni rəsmi olaraq F-35 proqramından çıxarıb.

APA-nın “Anadolu” agentliyinə istinadən verdiyi xəbərə görə, bununla bağlı ABŞ Ankaranı məlumatlandırıb.

Bildirilib ki, Türkiyənin 26 yanvar 2007-ci il tarixində imzaladığı birgə proqram ləğv edilib və yeni razılaşmaya Türkiyə daxil edilməyib.

Əvvəllər proqramın iştirakçıları arasında Türkiyə ilə bərabər ABŞ, İngiltərə, İtaliya, Niderland, Avstraliya, Danimarka, Kanada və Norveç yer alıb.

Türkiyə ilk mərhələdə 100 ədəd F-35A qırıcısını almağı öhdəsinə götürüb. 2018-ci ildə dörd F-35 qırıcısının, daha sonra isə iki F-35 təyyarəsinin mülkiyyəti Türkiyəyə verilib. Lakin Türkiyə ilə ABŞ arasında S-400 böhranı yaşandığı üçün bu altı təyyarə Türkiyəyə transfer edilməyib.


Create Account



Log In Your Account