May 11 2020 12:15
Elshad Aliyev
Views: 55

Əfqanıstanda "Taliban" hərəkatının silahlıları ilə toqquşmada 22 hərbçi həlak olub. APA-nın "TOLO News"a istinadən verdiyi xəbərə görə, toqquşma Əfqanıstanın şərqindəki Laqman əyalətində baş verib.

Bu barədə Laqman Əyalət Şurasının rəsmisi Gülzar Neyazi deyib.

Onun sözlərinə görə, radikal "Taliban" hərəkatının silahlıları bazar ertəsi gecə Alişinq bölgəsində hərbi nəzarət nöqtəsinə hücum edib, hücum zamanı onlarla hərbi maşın məhv edilib, ən azı 22 hərbçi öldürülüb, 6 hərbçi isə yaralanıb.

Əyalət Şurasının təmsilçisi, həmçinin, 9 hərbçinin "Taliban" tərəfindən əsir götürüldüyünü deyib.

Əfqanıstan Müdafiə Nazirliyi isə hücum nəticəsində 6 əsgərin öldüyünü, 5 nəfərin yaralandığını bildirib. Nazirlik "Taliban" yaraqlılarının hücumunun dəf edildiyini və onların ağır itki verdiyi bəyan edib.


Create Account



Log In Your Account