Mar 13 2020 10:55
Elshad Aliyev
Views: 31

Rusiya rublu "Brent" markalı neftin qiymətindəki dinamikanı izləyəcək və 1 ABŞ dollarına qarşı 75 rubla enib, sabitləşdikdən sonra 2 il ərzində tədricən 61 rubl səviyyəsinə qayıdacaq.

"APA-Economics"in "Goldman Sachs" bankına istinadən verdiyi məlumata görə, bunu bankın analitiki Klemens Qraf deyib.

Onun sözlərinə görə, martın 6-da "OPEC+" sazişinin uğursuzluğundan sonra "Brent" markalı neftin 1 barelinin orta qiyməti növbəti 6 ay ərzində 30 dollara yaxınlaşa və sonra tədricən 60 dollar səviyyəsinə qayıda bilər: "Artıq komandamız növbəti 6 ayda neftin qiymətinin 30 dollar, sonrakı 2 il ərzində isə tədricən artaraq bir barel üçün 60 dollar səviyyəsinə yüksələcəyini proqnozlaşdırır. Hesab edirik, bu ssenaridə əvvəlcə 1 dollar 75 rubladək bahalaşacaq, sonra isə 61 rubladək ucuzlaşacaq".

O həmçinin qeyd edib ki, neftin 1 bareli üçün 30 dollar gözlənilən qiymətlə bu ilin II və III rübləri ərzində 1 dollar 75 rubl səviyyəsində saxlanılacaq, növbəti 12 ayda isə 1 dollar 68 rubl, 2,5 ildən sonra isə 61 rubl səviyyəsində olacaq.

Qeyd edək ki, Rusiya Mərkəzi Bankı bu gün dolların rəsmi məzənnəsini 74,0274 rubl səviyyəsində müəyyənləşdirib.

 


Create Account



Log In Your Account