Aug 12 2020 12:49
Elshad Aliyev
Views: 69

AMEA-nın birinci vitse-prezidenti, akademik İbrahim Quliyevin koordinatorluğu ilə Avropa Komissiyasının "Horizon 2020" Tədqiqat və İnnovasiya Proqramı üzrə Milli Əlaqələndirici Şəxslər Şəbəkəsinin üzvləri tərəfindən növbəti məlumatlandırıcı vebinar keçirilib.

Akademiyadan AZƏRTAC-a bildirilib ki, vebinarda AMEA Rəyasət Heyəti aparatının Xarici əlaqələr idarəsinin rəisi, biologiya üzrə fəlsəfə doktoru Esmira Əlirzayeva "Horizon 2020: mövcud vəziyyət və perspektivlər”, Hüquq və maliyyə aspektləri üzrə milli əlaqələndirici şəxs, İdarəetmə Sistemləri İnstitutunun şöbə müdiri, texnika elmləri üzrə fəlsəfə doktoru Tofiq Babayev "Müxtəlif ölkələrin tədqiqatçıları üçün Avropa tədqiqat layihələrində iştirak imkanları” və “Maria Sklodovskaya-Küri təqaüd proqramı“, Avropa Tədqiqat Mərkəzi və COST üzrə milli əlaqələndirici şəxs, Azərbaycan Milli Antidoping Agentliyinin Elm şöbəsinin müdiri İlham Hümbətov “Azərbaycan alimləri üçün COST və ERC çərçivəsində imkanlar” mövzusunda məruzə ilə çıxış ediblər.

Bundan əlavə, Səhiyyə, demoqrafik dəyişiklilər və rifah üzrə milli əlaqələndirici şəxs, Azərbaycan Tibb Universitetinin dosenti, tibb üzrə fəlsəfə doktoru Rəhimə Qabulova "Horizon 2020: Səhiyyə, rifah və sosial inkişaf sahəsində imkanlar”, Ərzaq təhlükəsizliyi, dayanıqlı kənd təsərrüfatı və meşəçilik üzrə milli əlaqələndirici şəxs, Mərkəzi Nəbatat Bağının şöbə müdiri, biologiya üzrə fəlsəfə doktoru Fərid Seyfullayev “Ərzaq təhlükəsizliyi, dayanıqlı kənd təsərrüfatı və meşəçilik, dəniz və daxili su hövzələri tədqiqatları və bioiqtisadiyyat istiqaməti üzrə elan olunmuş çağırışlar“ mövzusunda məruzələrini təqdim ediblər.

Tədbirdə Naxçıvanın elm və təhsil müəssisələrinin və alimlərinin "Horizon 2020" portalında qeydiyyatı, proqram üzrə yerli əlaqələndirici mütəxəssislərin hazırlanması üzrə müzakirələr aparılıb.


Create Account



Log In Your Account