Apr 30 2020 13:14
Elshad Aliyev
Views: 60

Bütün dünyanı cənginə alan COVID-19 pandemiyası ilə mübarizə çərçivəsində Azərbaycanda həyata keçirilən məqsədyönlü tədbirlər öz müsbət nəticəsini verməkdədir. Dövlətimizin gördüyü uğurlu tədbirlər nəticəsində son günlər ölkəmizdə bu xəstəliklə bağlı müsbət dinamika müşahidə olunur. Lakin bu, bizi arxayınlaşdırmamalı, insanlar profilaktik tədbirlərə, sanitar normalara uygun davranmalıdır.

Bu sözləri AZƏRTAC-ın bölgə müxbirinə müsahibəsində Tərtər rayon Təhsil Şöbəsinin müdiri Yaşar Məhərrəmov deyib.

Yaşar Məhərrəmov bildirib ki, xüsusi karantin rejiminin yumşaldılması əhalidə təhlükənin sovuşması ilə bağlı arxayınçılıq yaratmamalıdır. Bilmək lazımdır ki, koronavirus xəstəliyi uzunmüddətli prosesdir və hələ də bütün dünya bu bəladan əziyyət çəkir. Odur ki, mövcud qaydalara riayət olunması və zəruri profilaktik tədbirlərin davam etdirilməsi vacibdir.

"Xalqımız bundan sonra da pandemiya ilə mübarizədə birlik və əzm nümayiş etdirməlidir. Xəstəliyin yenidən geniş yayılmaması üçün şəxsi gigiyena, özünütəcrid qaydalarına ciddi əməl olunmalı, kütləvi toplantılara yol verilməməlidir. Yalnız bu qaydalara əməl etməklə koronavirus pandemiyasına qalib gələ bilərik", - deyə Y.Məhərrəmov bildirib.


Create Account



Log In Your Account