Aug 03 2020 13:05
Elshad Aliyev
Views: 169

İki ölkə arasında COVID-19 pandemiyasının qarşısının alınması və nəzarətində mübadilə və əməkdaşlığı gücləndirmək məqsədi və Azərbaycan Respublikası Hökumətinin dəvəti ilə, Çin hökuməti tərəfindən Azərbaycana göndərilən tibbi ekspert qrupu avqustun 4-də Bakıya çarter reysi ilə gələcək. Ekspert qrupu şəraitə uyğun olaraq Çin hökumətinin adından Azərbaycan tərəfinə bağışlanmış tibbi qoruyucu materiallarının son dəstəsini gətirəcəklər.

Çin Xalq Respulikasının Azərbaycanadkı Səfirliyindən CBC-yə verilən məlumata görə, 10 nəfərdən ibarət Çin ekspert qrupuna, Sichuan əyalətinin Qərbi Çin Xəstəxanasının Epidemiologiya sahəsi, Tənəffüs və Kritik Baxım Tibb şöbəsi, Kritik Baxım Təbabəti sahəsi, Yoluxucu xəstəliklər, Laboratoriya tibbi, İnteqrasiya edilmiş ənənəvi Çin və Qərb təbabəti kimi sahələr üzrə mütəxəssislər aiddir. Ekspert qrupunun 15 gün Azərbaycanda işləməsi gözlənilir. Ekspert qrupu Azərbaycanın epidemiyanın qarşısının alınması orqanları və yerli tibb mütəxəssisləri ilə əlaqə yaradacaq, Azərbaycanda epidemiyanın qarşısının alınması və nəzarət vəziyyətini, bununla bağlı epidemiyanın qarşısının alınması tədbirlərini, diaqnoz və müalicə prosedurlarını ətraflı müzakirə edəcəklər. Azərbaycan tərəfinin ehtiyaclarına uyğun olaraq bu istitaqətlərdə rəy və təkliflər irəli sürülmüşdür: modul tipli xəstəxanaların tikintisi və idarə edilməsi, Kritik baxım üçün əsas texnologiyalar, Plazma terapiyası, Çin təbabəti ilə diaqnoz və müalicə planı, Normallaşdırılmış profilaktika və nəzarət mexanizmləri kimi mövzularda təcrübə mübadiləsi aparılacaqdır. Eyni zamanda Azərbaycan tibb işçiləri və ictimai qarşısının alınması və nəzarət personalları üçün təlim və istiqamət təmin ediləcəkdir.

Qərbi Çin Xəstəxanası, tibbi müalicə, tədris və elmi araşdırmalara inteqrasiya edən Çinin ən yaxşı əhatəli bir xəstəxanasıdır, eyni zamanda Çinin qərbindəki çətin, kritik və ağır hallar üçün milli səviyyəli bir diaqnoz və müalicə mərkəzidir. Eləcə də tibbi elmi tədqiqat və texnoloji yenilik üçün dövlət səviyyəsində olan bir xəstəxanadır. Xəstəxana, Wuhandakı COVID-19 epidemiyasının müalicəsində kömək üçün bir çox tibbi qrup göndərmişdir, eyni zamanda epidemiyanın qarşısının alınması və nəzarət işlərinə kömək etmək üçün İtaliya, Efiopiya, Cibuti və digər ölkələrə səfərlər etmiş, hökumətlər və müxtəlif ölkələrin insanları tərəfindən yüksək rəğbət qazanmışdır .


Create Account



Log In Your Account