Apr 14 2020 16:51
Elshad Aliyev
Views: 148

Dağlıq Qarabağ məsələsi barədə Çin tərəfinin mövqeyi qəti və dəyişməzdir.

AZƏRTAC xəbər verir ki, Çinin Xarici İşlər Nazirliyinin rəsmi nümayəndəsi Çjao Liszyan bu fikri Çinin CCTV beynəlxalq xəbərlər telekanalının müxbirinin Azərbaycanın əzəli ərazisi, hazırda Ermənistan tərəfindən işğal edilmiş Dağlıq Qarabağda bu gün keçirilən qondarma “prezident seçkiləri” ilə əlaqədar Çin tərəfinin mövqeyi haqqında sualını şərh edərək söyləyib.

Çjao Liszyanın sözlərinə görə, Çin ümid edir ki, əlaqədar tərəflər regionda sülhü və sabitliyi qorumaq üçün mübahisəli məsələləri siyasi dialoq yolu ilə nizamlayacaqlar.

Çin Xarici İşlər Nazirliyinin rəsmi nümayəndəsi deyib: “Çin tərəfi regionun sabit inkişafı üçün səy göstərməyə hazırdır”.

Qeyd edək ki, Çin, əvvəlkitək, bu münaqişənin beynəlxalq hüququn norma və prinsiplərinə uyğun olaraq, Azərbaycanın ərazi bütövlüyü çərçivəsində həllinin tərəfdarıdır.


Create Account



Log In Your Account