Nov 05 2019 10:17
Elshad Aliyev
Views: 26

Dövlət Sərhəd Xidməti (DSX) tərəfindən narkotik vasitələrin, psixotrop maddələrin qanunsuz dövriyyəsinə və digər qaçaqmalçılığa qarşı tədbirlər davam etdirilir.

DSX-dan APA-ya verilən məlumata görə, 3 noyabr 2019-cu il tarixdə saat 07:30 radələrində Astara şəhəri yaxınlığında yerləşən sərhəd zastavasının xidməti ərazisində İrandan Azərbaycan istiqamətində dövlət sərhədini pozaraq ölkə ərazisinə narkotik maddə gətirən bir nəfər naməlum şəxs həmin ərazidə xidmət aparan sərhəd naryadı tərəfindən aşkar edilib.
 
Sərhədçilərin qanuni tələblərinə əməl etməyən sərhəd pozucusunun təqibi zamanı o, əlindəki çantanı ataraq relyefin mürəkkəbliyindən istifadə edərək İran istiqamətində geri qaçıb.

Hadisə yerinə baxış zamanı sərhəd pozucusunun yerə atdığı çantada qanunsuz yolla Azərbaycan ərazisinə keçirilmiş külli miqdarda narkotik vasitə olan 12 kq 730 qram “Kakos”, 7945 ədəd “Metadon 40” psixotrop maddə və bir ədəd soyuq silah (xəncər) aşkar edilərək götürülub.
 
Fakt üzrə əməliyyat-istintaq tədbirləri davam etdirilir.


Create Account



Log In Your Account