RUMINİYANIN “NEWS24HOURS” XƏBƏR PORTALI PREZİDENT İLHAM ƏLİYEV İLƏ SERGEY LAVROV ARASINDA KEÇİRİLƏN GÖRÜŞ BARƏDƏ YAZIB

Rumıniyanın qabaqcıl “News24hours” xəbər portalı AZƏRTAC-a istinadla Azərbaycan Prezidenti İlham Əliyev ilə Rusiyanın Xarici işlər naziri Sergey Lavrov arasında keçirilən görüş barədə yazıb. Məqalədə Azərbaycan Respublikasının Birinci vitse-prezidenti Mehriban Əliyevanın Rusiyaya səfəri, Azərbaycan və Rusiya arasında mövcud olan münasibətlərin inkişafı, iqtisadi, mədəni, siyasi və digər sahələrdə qazanılan uğurlar, Ermənistan-Azərbaycan Dağlıq Qarabağ münaqişəsi, ikitərəfli görüşlərin səmərəliyi barədə məlumat verilib. Hər iki dövlətin bu möhkəm əlaqələri dəyərləndiyi qeyd edilən yazıda dünya və regional təşkilatlarda qarşılıqlı dəstəyə diqqət yetirilib.