TACİKİSTANDA KORONAVİRUSDAN 1008 XƏSTƏ SAĞALIB

Tacikistanda COVID-19 koronavirusundan 1008 xəstə sağalıb.

AZƏRTAC Tacikistan Səhiyyə Nazirliyinin mətbuat xidmətinə istinadla xəbər verir ki, son sutka ərzində virusa yoluxanların sayı 210 nəfər artaraq 2350-yə çatıb.

Son gün ərzində koronavirusdan 3 xəstə ölüb. Ümumilikdə bu virusdan ölənlərin sayı 44 nəfərdir.

Hazırda Tacikistanda karantində 3533 adam var.

Xatırladırıq ki, Tacikistanda koronavirus ilk dəfə aprelin 30-da rəsmi olaraq qeydə alınıb.