Jul 10 2020 18:09
Views: 164

Dövlət Gömrük Komitəsinin sədri Səfər Mehdiyev ilə Avropa İttifaqının Beynəlxalq və Ümumi İşlər üzrə direktoru Sabine Henzler  arasında videokonfrans formatında görüş keçirilib. Dövlət Gömrük Komitəsinin Dünya Gömrük Təşkilatının Avropa Regionu üzrə rəhbəri qismində təmsil olunduğu görüşdə “Bergen Anlaşması”nın müddəaları ilə bağlı fikir mübadiləsi aparılıb. Videokonfransda İspaniya Gömrük Xidmətinin öz iradəsi xaricində təmsil olunduğu altqrupu tərk etməsi xüsusi müzakirə mövzusu olub. Səfər Mehdiyev İspaniyanın müvəqqəti olaraq Qərb altqrupunda təmsil olunmasını təklif edib.

Eyni zamanda, görüşdə gömrük xidmətlərinin fəaliyyətinin pandemiyanın şərtlərinə uyğun şəkildə qurulması, beynəlxalq əməkdaşlığın inkişaf etdirilməsi, potensialın gücləndirilməsi ofislərinin gələcək fəaliyyətinin təşkili və tənzimlənməsi ilə bağlı təklif və rəylər nəzərdən keçirilib.

Qeyd edək ki, 2009-cu ildə Bergen şəhərində imzalanan saziş Dünya Gömrük Təşkilatının Siyasi Komissiyası, Maliyyə və Audit Komitələrində Avropa Regionunun təmsilçiliyinə dair prosedurları özündə ehtiva edir.Ötən il Dünya Gömrük Təşkilatının Avropa regionu üzrə sədr müavini seçilən Azərbaycan həm Şuranın, həm də Siyasi Komissiyanın sessiyalarında artıq regionun adından çıxış edir, Avropa regionu gömrük xidmətlərinin maraqlarını qoruyur.


Create Account



Log In Your Account