Dec 11 2018 18:11
Views: 759

Bu il Azərbaycanın milli valyutası - manatın dövriyyəyə buraxılmasından 26 il ötür. Milli pul vahidi olan manat 1992-ci il avqustun 15-də tədavülə buraxılıb. Lakin həmin il ərzində ölkədə  manatla yanaşı, həm də köhnə sovet pulları işlədilirdi.

Həmin illərdə hökumət müstəqil pul siyasətinin yeridilməsinə şərait yaratmaq üçün tədbirlər görməyə çalışırdı. Beləliklə,  25 il əvvəl bu gün  – 1993-cü ilin 11 dekabrında manat ölkə ərazisində yeganə ödəniş vasiəsi elan olundu. Həmin tarixdə milli lider Heydər Əliyev "Azərbaycan Respublikası milli valyutasının respublika ərazisində yeganə ödəniş vasitəsi elan olunması haqqında" Fərmanı imzaladı. Bu fərmanla manatın dövriyyədə yeganə ödəniş vasitəsi olması təsbit edilib və Azərbaycanın rubl zonasından çıxması təmin olundu.

2005-ci ildə ölkədə denominasiya həyata keçirildi. Pul nişanlarının nominal dəyərinin və qiymətlər miqyasının dəyişdirilməsi  prosesi baş tutdu. Artıq 2006-cı il yanvarın 1-dən etibarən yeni nəsil pul nişanları dövriyyəyə buraxıldı. 1 yeni manat 5000 köhnə manata bərabər tutuldu. 2007-ci il yanvarın 1-dən isə yeni manata tam keçid təmin edildi. Bu il mayın 23-də yeni 200 manatlıq pul nişanı təqdim olundu. İndi də Azərbaycan ərazisində manatdan başqa pul vahidlərinin ödəniş vasitəsi kimi işlədilməsi qadağandır.


Create Account



Log In Your Account